هەناسە تەنگی

هەناسە تەنگی نەخۆشیەکی باویی سیە کە هەندێ کات کێشەیی هەناسەدان دروست دەکات.

هەموو تەمەنەکان دەگرێتەوە و زۆربەیی جار لە تەمەنی منداڵیدا دەست پێدەکات، گەرچی دەکرێ لە تەمەنی هەرزەکاریدا بۆ یەکەم جار دەربکەوێت.

تاوەکو ئێستا چارەسەریی بۆ نەدۆزراوەتەوە، بەڵام هەندێ چارەسەریی سادە هەیە کە دەتوانێ نیشانەکانی کۆنترۆڵ بکات بۆیە کاریگەریکی گەورەیی لە سەر ژیانتان نابێت.

نیشانەکان

نیشانە سەرەکیەکانی هەناسە تەنگی ئەمانەن:

  • خیزە خیزی دەنگ لە کاتی هەناسەدان
  • قورسبوونی هەناسەدان
  • توندبوونی سنگ
  • کۆکین

نیشانەکان هەندێجار بە کاتی خراپتردەبن. ئەمە بە هێرشی هەناسە تەنگی ناودەبرێت.

کەیی سەردانی پزیشک بکرێت

سەردانی پزیشک بکە ئەگەر خۆت یان منداڵەکەت هەناسە تەنگیتان هەبوو

چەندین هۆکار هەن دەبنە هۆیی نیشانە هاوشێوەکان، بۆیە گرنگە  بە باشی دەستنیشان بکرێت و چارەسەریی دروستی بۆ بکرێت

پزیشک دەتوانێ هۆکارەکانی دەستنیشان بکات بە پرسیارکردن دەربارەیی نیشانەکانی و ئەنجامدانی هەندێ تاقیکردنەوەیی سادە.

چارەسەرەکانی هەناسە تەنگی

هەناسە تەنگی عادەتەن چارەسەر دەکرێت بە بەکارهێنانی ئامێریی هەڵمژین، کە ئامێرێکی بچوکە کە یارمەتیت دەدات بۆ هەڵمژینی دەرمانەکان.

T

جۆرە سەرەکیەکانی ئەمانەن:

  • ئامێریی هەڵمژینی هێورکەرەوە_بەکاردێت لە کاتی پێویست بۆ ئەوەیی بە خێرایی  نیشانەکانی هەناسە تەنگیەکە کەمبکاتەوە بۆ ماوەیکی کەم
  • ئامێریی هەڵمژینی ڕێگر_هەموو ڕۆژێ بەکاردێت بۆ ڕێگریکردن لە نیشانەکانی هەناسە تەنگی رووبدەن

هەندێ کەس پێویستە دەرمان بە کاربهێنن

هۆکارەکانی هەناسە تەنگی

هەناسە تەنگی بە هۆیی هەڵئاوسان و هەوکردنی بۆریەکانی هەناسە دانەوە دروست دەبێت کە هەوا دەکەنە ناوەو دەرەوەیی سیەکان.ئەمە وا لە بۆریەکان دەکاتە زۆرهەستیار ببن،بۆیە بە شێوەیکی کاتی تەسک دەبنەوە.

لەوانەیە هەندێ جار بە هەرەمەکی رووبدات یان پاش بەرکەوتن بە هۆکارێک.

باوترین هۆکارەکانی هەناسە تەنگی ئەمانە لە خۆدەگرێت:

  • هەستیاریی(بەرکەوتن بە زیندەوەرەکانی ناو تەپو تۆزی خانوو،فەروویی ئاژەڵان یان هەڵاڵە)
  • جگەرە کێشان، هەوایی سارد و پیس
  • مەشقکردن
  • نەخۆشیەکانی وەک سەرمابوون و ئەنفلۆنزا

دیاریکردن و خۆلادان لە هۆکارەکانی هەناسە تەنگی دەتوانێ یارمەتیت بدات بۆ کۆنتڕۆڵکردنی نیشانەکانت.

هەناسە تەنگی چەنێک بەردەوام دەبێت

هەناسە تەنگی حالەتێکی درێژ خایانە بۆ زۆربەیی کەسەکان، بە تایبەتی ئەگەر بۆ یەکەمجار لە تەمەنی تازەپێگەیشتندا گەش بکات.

لە منداڵاندا، هەندێ جار نامێنێ یان باش دەبێتەوە لە ماوەیی ساڵانی هەرزەکاریدا، بەڵام دەکرێ لە تەمەنەکانی دواتریی ژیاندا بگەرێتەوە.

نیشانەکان عادەتەن دەکرێ بە چارەسەرکردن کۆنتڕۆل بکرێن.زۆرینەیی کەسەکان ژیانێکی چالاک و ئاساین دەبێت، هەرچەندە هەندێکیان کە هەناسە تەنگی توندیان هەیە ڕەنگە کێشەیی بەردەوامیان هەبێت.

ئاڵۆزیەکانی هەناسە تەنگی

هەرچەندە بە شێوەیکی ئاسایی دەکرێت کۆنتڕۆل بکرێت، بەڵام هێشتا حالەتێکی جدیە کە دەبێتە هۆکاریی ژمارەیەک لە کێشەکان.

لەبەرئەمە گرنگە شوێن پلانی چارەسەرەکانت بکەویت و نیشانەکانت پشتگوێ نەخەیت ئەگەر بەرەو خراپتربوون ڕۆیشتن.

هەناسە تەنگی ئەگەر بە خراپی کۆنتڕۆل بکرێت دەبێتە هۆیی ئەم کێشانە وەک:

  • هەستکردن بە هیلاکی هەموو کاتێک
  • ئەنجام نەدانی کارەکان بە باشی ، یان دواکەوتن لە کار و قوتابخانە
  • سترێس، خەمۆکی و دڵەڕاوکێ 
  • پەکخستنی کارەکان و کاتی پشوودانت بەهۆیی سەردانی لە ناکاوت بۆ لایی پزیشک یان نەخۆشخانە
  • نەخۆشیەکانی سیەکان
  • دواکەوتن لە گەشەکردن یان باڵغبوون لە منداڵاندا.

هەمیشە مەترسی  نەخۆشی هێرشی هەناسەتەنگی توند هەیە،کە دەبێتە هەرەشە لەسەر ژیانت.

You cannot copy content of this page